Co obxectivo de apoiar o movementoasociativo das persoas traballadoras autónomas na defensa dos seus intereses, a Consellería de Emprego e Igualdade apoia, a través desta liña de subvencións, os gastos de persoal; arrendamentos de locais; servizos profesionais independentes; primas deseguros; actuacións de publicidade; compra de material de oficina, fotocopias e imprenta; gastos de subministracións eléctricas, de telefonía, de gas, auga, de limpeza dos locais ealoxamento e mantemento da web; cotas de subscrición a publicacións e inscrición en actividades e pola pertenza a outras organizacións autonómicas ou estatais; gastos de organización ou participación en congresos, seminarios, xornadas e outras actividades de natureza semellante, incluídos os gastos de desprazamento e manutención; gastos de renting; e aqueles ocasionados pola elaboración de estudos e publicacións, pola realización de actividades de formación en Galicia ou pola implantación de proxectos ou programas de promoción do emprego autónomo.

Poderase financiar ata o 90% dos gastos subvencionables, polo que o 10 % restante correrá por conta da entidade beneficiaria. A contía máxima da axuda non poderá exceder a cantidade de 55.000 euros.

Esta medida sumarase a outras iniciativas que se convocarán proximamente para axudar ás persoas traballadoras por conta propia e que en global -incluída esta orde de axudas ao asociacionismo- supoñen un investimento de preto de 20 millóns de euros. En concreto, ademais deste programa que se publica este xoves no DOG, activaranse o Bono Autónomo,  axudas para a promoción do emprego autónomo coas que se apoia o inicio de actividade; as destinadas a impulsar a contratación indefinida de persoas asalariadas, do primeiro, segundo e terceiro traballador; e os incentivos á consolidación de pequenas empresas de nova creación e ás empresas cualificadas como iniciativas de emprego de base tecnolóxica.

Ademais, aínda se poden solicitar os apoios do terceiro Plan de rescate, que conta cun orzamento de 234,4 millóns de euros.