O CPEIG organiza unha xornada sobre intelixencia artificial en colaboración coa CEO
As oportunidades, regulación e medos sobre a intelixencia artificial (IA) serán analizados nunha xornada que terá lugar o vindeiro venres 30 de xuño en Ourense.
O CPEIG organiza unha xornada sobre intelixencia artificial en colaboración coa CEO
Cartel da xornada sobre intelixencia artificial.
Marisol Nóvoa, presidenta da Confederación Empresarial de Ourense (CEO), presentará o acto, no que tamén intervirán Fernando Suárez, presidente do Colexio Profesional de Enxeñaría en Informática de Galicia (CPEIG), e Víctor Salgado, socio director da firma Pintos & Salgado Abogados.
A charla, que forma parte dun ciclo de conferencias, terá lugar na sede entidade empresarial en Ourense, de 10 a 11:30 horas e poderase seguir tanto en modalidade presencial coma online. Nela preténdese achegar a IA ao sector empresarial e ao público en xeral interesado nesta disciplina das ciencias da computación.
